२०२५ या वर्षातील विशेष मुहुर्त, तीथी, ग्रहयुती आणि शुभ/अशुभ दिवस :-

नवीन वर्षाच्या तुम्हा सर्वांना शुभेच्छा!

 

- २०२५ वर्ष सुखदायी, आनंददायी आहे. मोठे आजार, कोरोना सदृश्य महामारी इत्यादी समस्या या वर्षात नाहीत.

 

- ६जून ते २८ जुलै हा काळ सर्व व्यक्तींना गृहकलह, कौटुंबिक सौख्याची हानी, पती-पत्नी संघर्ष, भागीदारी व्यवसायात कलह, राजकीय पक्ष, कार्यकारी मंडळात दूही निर्माण करणारा, सामूहिक आणि सामुदायिक कार्यात विघ्न आणणारा असेल. तसेच या काळात वाहनभय संभवते. अधिक माहितीसाठी जाणकारांशी संपर्क साधावा.

 

- २८ जुलै ते १३ सप्टेंबर हा काळ आपत्तीकारक आणि नुकसानदायक असेल. याखेरीज या काळातखेरीज दुसरा त्रासदायक काळ यावर्षी नाही.

 

- १ ऑक्टोबर ते १० फेब्रुवारी हा काळ भारत देशाच्या प्रगतीसाठी अनुकूल काळ असेल.

 

- यावर्षी देखील सूर्यग्रहण नाही. सूर्यग्रहण पुढच्या वर्षी आहे. कालसर्प दोष निवारणार्थ पूजाकाळ पुढच्या वर्षी मिळेल.

 

|| ओम साईराम ||

 

२०२५ मध्ये उत्तम दिवस आणि त्याज्य दिवस पुढील प्रमाणे आहेत.उत्तम दिवस सर्व कार्यासाठी शुभ आहेत. त्याज्य दिवस टाळावेत. उर्वरित दिवस सर्वसाधारण चांगले आहेत.

जानेवारी महीना :-

उत्‍तम दिवस :-

१,२,८,९ आणि ३०.

त्याज्य दिवस :-

११,१५,२९.

 

 

फेब्रुवारी महीना :-

उत्‍तम दिवस :-

१,२,४,१०,११,१३,१४आणि १६.

त्याज्य दिवस :-

२ आणि २७.

 

मार्च महीना :-

उत्‍तम दिवस :-

२,६,७,१५,१६,२०,२६ आणि ३१

त्याज्य दिवस :-

५,१३,२१,२७,२९.

 

एप्रिल महीना :-

उत्‍तम दिवस :-

६,९,१०,११,१२,१४,२१,२४ आणि ३०.

त्याज्य दिवस :-

७,१५,२६,२७.

 

मे महीना :-

उत्‍तम दिवस :-

३,८,९,१६,२३,२८ आणि ३१

त्याज्य दिवस :-

१९,२१,२६.

 

जून महीना :-

उत्‍तम दिवस :-

२,४,५,१३,१९,२०,२७ आणि २८.

त्याज्य दिवस :-

२१,२३,२५.

 

पर्जन्यमान - गेल्या वीसवर्षांहून अधिक काळापासून आपण वृत्तपत्रांमधून आणि आपल्या वेबसाईटवरून पाऊस कसा असेल याची भाकीत, पूर्वसूचना आम्ही नियमितपणे दरवर्षी लिहीत आलेलो आहोत. हवामान खात्यापेक्षा आपला अंदाज अचूक असतो. अलीकडे आधुनिक तंत्रज्ञानाच्या सॅटॅलाइटद्वारे केले जाणारे पर्जन्यमानाचे भाकीत तंतोतंत आणि अचूक असते. त्यामुळे यावर्षीपासून पर्जन्यमानाचे भाकीत करण्याची आवश्यकता नाही असे आम्ही गेल्या वर्षी जाहीर केले. मात्र, अनेक वाचकांनी आणि आमच्या संकेतस्थळाला भेट देणाऱ्या आमच्या क्लाइंट्सने आम्हाला पर्जन्यमानाविषयी लिहावे असा आग्रह केला. त्यांच्या आग्रहाचा मान राखला. यावर्षी पर्जन्यवृष्टीचे काही महत्त्वाचे पॉईंट्स पुढील प्रमाणे आहेत -

 

सर्वसाधारणपणे, जूनच्या दुसऱ्या आठवड्यात पावसाची चिन्हे दिसतील. वादळीवाऱ्यांचे, विजांचे प्रमाण फार असेल. तुलनेने पर्जन्यवृष्टी कमी होईल. या काळात म्हणजे १ जून पासून भूगर्भातील जलस्त्रोत मोकळे होण्याचा अनुभव येईल. यावर्षी एप्रिल आणि मे हे महिने विहीर आणि कुपनलिका (बोर) जलपरीक्षणासाठी भूगर्भशास्त्र आणि नक्षत्र यांच्या एकत्रित प्रभावाने विशेष लाभदायक ठरेल. ज्यांच्या विहिरीला पाणी नाही अशा व्यक्तींनी या काळात पुन्हा एकदा भूगर्भ जलसाठा परीक्षण करावे तसेच शिव उपासना करावी. चांगला अनुभव येईल. मे आणि जूनच्या पहिल्या आठवड्यात गारा पडण्याची शक्यता.

 

जून महिन्यातील पाऊस नुकसानकारक असेल. जुलैमध्ये पावसाचे प्रमाण वाढेल. जुलैच्या उत्तरार्धापासून ऑगस्ट अखेरपर्यंत सर्वत्र भरपूर पाऊस पडेल. शेतीची कामे ऑगस्टच्या उत्तरार्धामध्ये घेतलेली चांगली. सध्या हवामान आणि पर्जन्यवृष्टीचा काळ पुढे सरकलेला असल्याने पेरणी, लावणीदेखील पुढे सरकवणे श्रेयस्कर ठरेल. विशेषत: कोकणातील पावसाळी शेतीसाठी हा बदल आवश्यक आहे.

 

यावर्षी सप्टेंबरचा ग्रहणकाळ वगळता ऑक्टोबर अखेरपर्यंत पर्जन्यवृष्टी असेल. तसेच समुद्रसपाटीपासून ६०० मीटर उंचीवर असणाऱ्या ठिकाणी नोव्हेंबर,डिसेंबर अखेर तुरळक पाऊस, गारा पडतील.

 

जूलै महीना :-

उत्‍तम दिवस :-

३,४,६,७,१२,१६,१८,१९,२१,२५ आणि ३०

त्याज्य दिवस :-

८,१७,२०,२२,२४,२६.

 

ऑगस्ट महीना :-

उत्‍तम दिवस :-

५,७,८,९,१०,१४,२६,२७,२८,२९ आणि ३०.

त्याज्य दिवस :-

२,१३,१६,२२,२३.

 

सप्‍टेंबर महीना :-

उत्‍तम दिवस :-

३,६,९,१७,१८,२२,२४ आणि २७.

त्याज्य दिवस :-

७,८,१३,२०,२१.

 

७ सप्टेंबर रोजी खग्रास चंद्रग्रहण असून हे भारतामध्ये पाळायचे आहे. रात्री ९ वाजून ५६ मिनिटांनी ग्रहण सुरू होईल आणि मध्यरात्री दीड वाजता हे ग्रहण संपेल. या काळात आवर्जून इष्टदेवतेचे पूजन करावे. मुद्दाम जागरण करायची आवश्यकता नाही. आनंदीत मनाने हा काळ व्यतीत करावा.गर्भवती स्त्रिया,आजारी व्यक्तींनी सात सप्टेंबरच्या दुपारी बारा वाजल्यापासून मनातल्या मनात प्रियदेवतेचा /इष्टदेवतेचा नामजप करत राहावे. हलके खाणे खावे. बाहेर जाणे,मोकळ्या आकाशाखाली जाणे टाळावे.आवश्यकतेनुसार झोप घ्यायला, मलमूत्रविसर्जन करायला हरकत नाही. कठीण अवजड कामे, दैनंदिन कामापेक्षा फार वेगळी असणारी कार्ये तसेच मोठ्या स्वरूपात श्रमदायी कार्य करणे टाळावे. मांसाहार, अपेयपान, दुर्वर्तन आणि कठोर भाषण या काळात पूर्णपणे टाळावे. राग, दुःख, उद्वेग अशी गंभीर मन:स्थिती पूर्णपणे प्रयत्नपूर्वक टाळावी. ग्रहणकाळातील हे नियम सर्व व्यक्तींनी पाळणे लाभदायक आहे. गर्भवती स्त्रिया, आजारी व्यक्तींनी आवर्जून पाळावेत. गर्भवती स्त्रिया आणि ग्रहणकाळाविषयी अधिक माहिती आम्ही प्रकाशित केलेल्या आध्यात्मिक गर्भसंस्कार या पुस्तकामधेआहे.

 

७ ते २१सप्टेंबर ते २ हा पितृपंधरवड्याचा काळ आहे.पौर्णिमेला मृत झालेल्या व्यक्तींचे कार्य ७सप्टेंबरला करावे.पितृकार्याखेरीज इतर कार्यांसाठी हा काळ टाळावा.पितृपक्ष म्हणजे अशुभकाळ नसतो, तर पितृकर्मांसाठी राखून ठेवलेला काळ असतो. सर्व सण-समारंभांपूर्वी सर्व पितरांना तृप्त करून त्यांचे आशीर्वाद घ्यावेत असे शास्त्रात सांगितले आहे.या पितृकर्माच्या राखीव काळात इतर कोणतीही धार्मिक कार्ये करू नयेत, आपले चित्त पितृक्रिया, पिंडदान या विधींकडेच लावावे यासाठी पितृपक्ष असताना इतर कोणतीही धार्मिक कार्ये करू नयेत. अचानक शस्त्रक्रिया,दूरचा प्रवास, बदली,बढती किंवा मोठी जवाबदारी ठरल्यास घाबरून जाऊ नये.यासाठी या पितृपक्षातील शुभदिन दिलेले आहेत.अंधश्रद्धा ठेवू नका, जाणकार व्हा.

 

ऑक्‍टोबर महीना :-

उत्‍तम दिवस :-

१,२,३,४,६,८,१४,१५,२२,२८,३०आणि ३१.

त्याज्य दिवस :-

७,२१,२७.

 

२१ ऑक्टोबरला लक्ष्मीकुबेर पूजन असले तरी विवाह, वास्तुशांती, वाहन खरेदी इत्यादी वैशिष्ट्यपूर्ण शुभकार्यासाठी हा दिवस टाळून केवळ पूजापाठामधेच व्यतीत करावा.

 

नोव्‍हेंबर महीना :-

उत्‍तम दिवस :-

२,३,४,७,१०,११,१५,१६,२१,२५,२६,२७ आणि ३०.

त्याज्य दिवस :-

६,१९,२०.

 

डिसेंबर महीना :-

उत्‍तम दिवस :-

२,४,५,७,८,१२,१५,२१,२५,२८ आणि २९.

त्याज्य दिवस :-

१७,१९,२०,३०.

 

* तिथी,वार,नक्षत्र,कारण,योग या पाच घटकांच्या आधारे पंचांग मांडले जाते.त्याचा सण,उत्सव,संतांच्या जयंती याच्याशी नसतो.

 

* उत्‍तम दिवशी विशेष पुजा, विवाह, जावळ, विशेष खरेदी, विशेष प्रवास, मंगलकार्ये, शस्‍त्रक्रिया, कार्यारंभ, बँकेत खाते खोलणे, वृक्ष लागवड, होम-हवन इत्यादी आर्वजून करावे. सर्व शुभकार्यासाठी योग्य.

 

* त्याज्य दिवस मात्र वरील गोष्टींसाठी पूर्णपणे टाळावेत. मात्र त्याज्य दिवसांचा संबंध वाढदिवस, लग्नाचा वाढदिवस, परीक्षा, मुलाखती, दैनंदिन प्रवास आणि दैनंदिन कामांसोबत जोडू नये.